ДОМА / Најнови вести / Македонија / Стопанска комора ќе поднесе иницијатива за продажба на алкохол после 19, односно 21 часот

Стопанска комора ќе поднесе иницијатива за продажба на алкохол после 19, односно 21 часот

Стопанската комора на Македонија денеска ќе поднесе иницијатива до минисерството за економија за изменување на законот за трговија со која се предлага укинување на обврската за поседување лиценца за продажба на алкохолни пијалоци и отстранување на ограничувањето во однос на работното време во кое може да се врши продажба на алкохолни пијалоци, рече Елена Милевска Штребевска, оперативен директор на Стопанската комора на Македонија.

Иницијативата произлегува од барањата на компаниите членки на здружението на трговијата и здружението на земјоделството и прехрамбената индустрија при Стопанската комора на Македонија, рече Милевска Штребевска.

Според Стопанската комора на Македонија со примената на ригорозните ограничувања во трговијата со алкохол се нанесуваат големи финансиски штети на трговците на големо и мало, како и на компаниите од домашната индустрија за производство на ваков вид пијалоци.

Како што кажа оперативната директорка на Стопанската комора на Македонија, единствена ефикасна мерка од оние кои до сега биле применети е мерката за забрана на продажба и точење алкохол на лица под 18 години, оваа мерка нема да променета.

Просечната консумација на пиво во Македонија се движи под 30 литри по жител годишно, додека во Србија таа количина е околу 65 литри, а во Хрватска и Бугарија изнесува над 75 литри. Согласно овој параметар, како што предочи Милевска Штрбевска, ние сме многу далеку од Германија каде годишно се пие по околу 120 литри пиво и Чешка каде се консумираат близу 160 литри пиво по жител годишно, а во ниту една од овие земји или  во останатите членки на ЕУ, не постојат законски ограничувања за продажбата на алкохолни пијалаци како овие во Македонија. Исто така, многу од европските држави воопшто не предвидуваат обврска за поседување посебни лиценци за продажба на алкохолни пијалаци или  какви било ограничувања во однос на работните часови за продажба.

Објавено од Марија Спасова

Новинар во Канал Плус Телевизија

ПОВЕЌЕ

Делчево денес се збогува со тричленото семејство кое вчера ги изгуби животите во тешката сообраќајна несреќа

Делчевчани не можат да ја сокријат тагата по трагичната загуба за Делчево која се случи ...

Free mockups